A pintora Laura Doldán doa unha acuarela á Asociación de Troiteiros Río Furelos de Melide

Ecos da Comarca/Melide

A Asociación de Troiteiros Río Furelos de Melide quere expresarlle o seu agradecemento á artista Laura Doldán Canedo. "A pintora ven de informarnos que fará entrega o vindeiro 17 de xuño dun seu traballo ( e o boceto do mesmo) realizado en acuarela da ponte románica e dos dereitos sobre a mesma en recoñecemento ao labor desenvolvido ao longo dos anos na defensa do río Furelos".

Laura Doldán Canedo (A Pezoca, Concello de Oleiros), estudou Belas Artes na universidade de Granada e reside en A Coruña.

Publicidade

Preme na imaxe se queres contactar connosco.

O vindeiro 17 de xuño, no Museu da Terra de Melide, inaugurarase unha exposición do seu amplo traballo artístico, e na mesma fará entrega da acuarela á Asociación melidense.