A parroquia silledense de Breixa celebra o sábado a súa Festa da Castaña

Xa se poden adquirir as entradas

Ecos da Comarca/Silleda

A gastronomía volve ser protagonista en Silleda este mes da man dun dos produtos típicos do outono. Así, a parroquia de Breixa celebra o sábado día 26 a XXIII Festa da Castaña, organizada pola Asociación Cultural O Cruceiro de Breixa en colaboración co Concello de Silleda. Será a partir das 21:30 no campo da festa, que estará cuberto.

O menú está composto por panceta, castañas asadas, postre, pan viño e café. As entradas custan 15 euros e poden mercarse no Bodegón de Esther (Silleda); Bar Sanse, en O Castro; na taberna de Martixe e no centro cultural de Saídres.

Publicidade

Preme na imaxe se queres contactar connosco.

A velada estará amenizada polo dúo Punto Zero. A comisión tamén sorteará dous lacóns entre os asistentes.