A parroquia de San Tirso de Cornado honra aos rixóns
Celebrou hoxe a festa deste manxar que ademais se completou con música, concurso de disfraces e artesanía
Laura Moure/Touro
Na parroquia de San Tirso de Cornado (Touro) respirábase hoxe ambiente festivo. Despois duns anos de parón debido á pandemia, voltou a súa Festa dos Rixóns na Pota de Ferro. Foron moitos os que decidiron desfrutar desta xornada neste día festivo.
As filloas tamén foron outras das protagonistas da xornada, xa que filloas e rixóns son unha combinación perfecta. Ademais de comelos no lugar, tamén houbo outros que decidiron levalas para a casa e desfrutar deste manxar.
Ademais de gastronomía, a cita completouse con moito folclore, co Samaín con concurso de disfraces incluido e con feira de artesanía. Sen dúbida, unha xornada marabillosa para pasar en familia. Para o ano máis!
NOTICIA RELACIONADA:
