top of page

A oficina de Acelera Peme estará en Antas de Ulla para axudar a pemes e a autónomos

Foto del escritor: Laura MoureLaura Moure

Suporá un revulsivo como fórmula de achegarlles o mundo das tecnoloxías da información e comunicación


Laura Moure/Antas de Ulla

A oficina de Acelera Peme estará en Antas de Ulla para axudar a pemes a autónomos a aproveitar os recursos da dixitalización. A posta en marcha da Rede de Oficinas Acelera Peme para contornas rurais suporá un revulsivo como fórmula de achegar o mundo das TIC aos autónomos, pemes e emprendedores de Antas de Ulla.

“É unha oportunidade para Antas de Ulla, xa que é un asesoramento personalizado por parte dos dinamizadores dixitais do programa, é dicir, adaptado ás características e necesidades de cada negocio, co obxectivo de que poñan en valor os seus produtos e servizos”, explica a alcaldesa, Pilar García Porto.


Publicidade

Preme na imaxe para obter máis información!

O obxectivo é axudar ás pemes a aproveitar os recursos da dixitalización para mellorar o seu negocio, de maneira que gañen en competitividade, produtividade, eficiencia, e para que abran novas oportunidades de negocio.


Os servizos ofertados inclúen o acompañamento dixital individual e personalizado, a análise do estado de dixitalización da empresa, o apoio na implantación de novas solución dixitais no negocio, a consultoría en marketing dixital e o apoio e acompañamento na solicitude do Kit Dixital.


Publicidade

Preme na imaxe para obter máis información!

Haberá unha visita presencial a Antas de Ulla co obxecto de explicarlles o proxecto a todos os interesados. O programa Acelera PEME na provincia de Lugo, impulsado pola Deputación, está respaldado por Red.es e o Ministerio de Asuntos Económicos e Transformación Dixital, e financiada polos fondos NextGenerationEU da Unión Europa.

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png

© 2025 por Ecos da Comarca.

¡Grazas por contactar connosco!

  • Facebook
  • Instagram
  • TikTok
  • X
  • Youtube
bottom of page