A N-525, á altura do municipio de Silleda, rexistra unha colisión por alcance entre dous vehículos

Os ocupantes non tiveron que recibir asistencia médica

Ecos da Comarca/Silleda

A N-525, aproximadamente á altura do quilómetro 312, ao seu paso polo municipio de Silleda rexistrou este martes un accidente. Despois do mediodía produciuse unha colisión por alcance, concretamente, na saída da AP-53, como informa o 112 Galicia. Os ocupantes de ambos vehículos non tiveron que recibir asistencia médica.

O 112 Galicia, ademais do 061, deu aviso aos bombeiros de Silleda, á Garda Civil, á Policía Local da localidade e ao servizo de mantemento de estradas.