A II Marcha Cicloturista BTT Arzúa – Destino Verde contará cunha Mini BTT para a cativada

Laura Moure
20 may
2 min de lectura

A cita, que se celebrará este domingo 24 de maio, reforza o seu carácter familiar cun espazo infantil que incluirá tamén un inchable

Laura Moure/Arzúa

A II Marcha Cicloturista BTT Arzúa – Destino Verde, que se celebrará este domingo 24 de maio a partir das 9:30 horas, contará tamén cunha programación especial dirixida á cativada, reforzando así o carácter familiar e participativo desta cita deportiva organizada pola Concellería de Turismo de Arzúa, dirixida por Begoña Balado, e que conta co apoio da Deputación da Coruña e a colaboración de empresas e entidades do municipio.

Entre as actividades previstas destaca a celebración dunha Mini BTT infantil, que terá lugar ás 12:00 horas nas inmediacións da saída da proba e na que os nenos e nenas poderán participar sen necesidade de inscrición previa. Ademais, a organización instalará un inchable para que os máis pequenos poidan seguir desfrutando da xornada nun ambiente lúdico e pensado para todas as idades.

PUBLICIDADE

Se queres obter máis información do evento preme na imaxe.

Begoña Balado destacou a vontade de seguir facendo da BTT Arzúa – Destino Verde unha

cita aberta a todos os públicos”: “Queremos que esta xornada sexa tamén unha experiencia para desfrutar en familia, creando actividades para a cativada e facendo que a BTT se converta nun evento pensado non só para os participantes, senón tamén para acompañantes e visitantes”.

A cita deportiva continúa medrando nesta segunda edición e contará este ano con tres

opcións de percorrido adaptadas a diferentes niveis: