Perruquería Marisa.png

ESPAZO DISPOÑIBLE PARA ANUNCIARSE

A Garda Civil recupera as bombas extraídas das depuradoras das piscinas municipais de Agolada

Ecos da Comarca/Agolada

O Concello de Agolada agradece o magnífico traballo realizado por parte da Garda Civil, que conseguiu recuperar as bombas das depuradoras das piscinas municipais de Agolada. O Concello decatouse de que faltaban hai un mes cando supervisaron as instalacións para organizar as tarefas de mantemento para a súa apertura.


“Agradecemos a boa labor dos axentes da Garda Civil, a súa implicación e bo facer que demostran cada día”, indica o concelleiro de Obras, Pedro García, quen se alegra do achado, que permitirá poder abrir canto antes estas instalacións públicas. Cabe mencionar que tamén faltaron tres dosificadores e medidores de cloro e o valor do subtraído se situaba entre os 15.000 e os 20.000 euros.


O Concello de Agolada intentará abrir canto antes as piscinas, porque estaba á espera da autorización da Garda Civil para proceder a colocar as bombas.


O recinto das piscinas municipais de Agolada.

Autor: Ecos da Comarca.


Pero o principal motivo que na actualidade está retrasando a apertura das piscinas municipais é a contratación de socorristas. A Xunta de Galicia, a través da Consellería de Emprego e Igualdade, resolveu aínda o pasado 28 de xuño a convocatoria de axudas deste ano destinadas aos Concellos para levar a cabo a contratación de socorristas, polo que aínda se está en fase de contratación. A Agolada concedéronlle axudas para dispoñer de tres a xornada completa durante dous meses que se encargarán das piscinas municipais e tamén da praia fluvial de Brocos.


Neste momento, estase levando a cabo o proceso selectivo para a súa contratación. Dende o Concello de Agolada agárdase que se poida levar canto antes porque son conscientes de que os veciños están desexando que abran estas instalacións.


300 visualizaciones0 comentarios
IRS.jpg

ESPAZO DISPOÑIBLE PARA ANUNCIARSE