Ademais, presentaba graves deficiencias técnicas que comprometían á seguridade vial
Ecos da Comarca/Silleda
Unha patrulla do Destacamento de Tráfico da Garda Civil de Lalín intercepta o pasado venres un camión nun control en Silleda. Compróbase que o vehículo circula coa inspección técnica negativa e con graves deficiencias, incumprindo as condicións técnicas que garanten a seguridade viaria.
Estes feitos causan un risco á circulación, e están tipificados no artigo 10 apartado 1 opción 5B do Regulamento Xeral de vehículos. Por iso confecciónase un boletín de denuncia, quedando o vehículo inmobilizado no lugar, de conformidade co disposto no artigo 104.1 da Lei de Tráfico e Seguridade viaria, sendo retirado posteriormente por un vehículo guindastre.
Publicidade
O citado camión tamén é denunciado por circular carecendo dos extintores regulamentarios. O condutor foi sometido ás oportunas probas de alcol e drogas, con resultado negativo.
Publicidade
Desde o Subsector de Tráfico da Garda Civil de Pontevedra, lémbrase a importancia de circular co vehículo en perfectas condicións técnicas de seguridade, para evitar poñer en risco ademais dos ocupantes do vehículo aos demais usuarios da vía. Especialmente coidar no inverno o correcto estado de pneumáticos para unha correcta adherencia en condicións climatolóxicas adversas, así como un bo estado dos limpiaparabrisas para unha visión diáfana da estrada.
Commentaires