A Garda Civil desarticulou unha banda dedicada ao roubo en puntos limpos da Coruña e Pontevedra

Facturou un total de 6.500 € procedentes dos roubos

Ecos da Comarca/Xeral

No marco da Operación Boro o Equipo ROCA da Garda Civil de Santiago de Compostela e o posto de Lestedo, desarticularon un grupo dedicado ao desvalixamiento de puntos limpos nas provincias de Coruña e Pontevedra. Dous individuos foron sorprendidos in fraganti mentres tentaban subtraer material do Punto Limpo de Sergude-Boqueixón tras forzar o seu peche perimetral.

A investigación comezou a principios de febreiro en resposta ao aumento de roubos no Punto Limpo de Sergude-Boqueixón xerando unha nova alarma á empresa encargada de xestionar as instalacións e a outras empresas situadas no polígono. Dous cidadáns residentes na Estrada (Pontevedra), previamente detidos en novembro de 2023 por delitos similares, foron identificados como os presuntos autores dos roubos.

Publicidade

Preme na imaxe para obter máis información!

Na primeira fase a Garda Civil identificou a unha parella, que se desprazaba nunha furgoneta desde A Estrada, tiña un modus operandi consistente en forzar o peche perimetral do punto limpo os días de apertura (mércores e sábados) para acceder ao interior e subtraer principalmente material tecnolóxico e electrodomésticos.

Posteriormente, vendían o material nunha chatarrería do Porriño, obtendo considerables beneficios. Na última fase, a parella foi detida in fraganti mentres perpetraba outro roubo no Punto Limpo de Sergude-Boqueixón. Incautáronse electrodomésticos, residuos e pezas metálicas.

Publicidade

Preme na imaxe se queres contactar connosco.

Desde o inicio da operación en febreiro ata a data da detención, estimouse que a banda facturara un total de 6500€ procedentes dos roubos.