A Garda Civil de Tráfico imparte charlas de seguridade viaria a migrantes en Sobrado

Tivo lugar en dependencias do Mosteiro desta localidade

Laura Moure/Sobrado

O Subsector de Tráfico da Coruña recibiu solicitude da ONG Rescate, para instruír nas normas de circulación en bicicletas e na función de peóns, ás persoas ás que ofrece cobertura institucional. En dependencias do Mosteiro de Sobrado dos Monxes, os formadores do Subsector de Tráfico e Xefatura Provincial de Tráfico da Coruña, impartiron charlas a un grupo de inmigrantes que convive no municipio, considerando unha cuestión transcendente o coñecemento das normas de circulación como actividade cotiá.

Publicidade

Preme na imaxe para obter máis información do evento.

A Xefatura provincial despregou un circuíto de seguridade viaria, no cal, a modo de práctica, persoas provenientes de nacionalidades como Senegal, Marrocos ou Mauritania, puideron verificar in situ, as normas viarias que deben atender e que lles amparan a modo de peóns e condutores de bicicletas.

Publicidade    

Preme na imaxe se queres contactar connosco.

Esta práctica enmárcase dentro das numerosas colaboracións que tanto a Xefatura Provincial de Tráfico, como o Subsector de Tráfico da Coruña, realizan no ámbito da comunidade escolar, de centros de persoas maiores e outras institucións que o demandan, permitindo con iso que a seguridade viaria chegue, como neste caso a 65 migrantes.