A Fundación Semana Verde remata o semestre con máis dunha vintena de eventos, que se suman aos máis de 40 celebrados ao longo de 2023

Tivo lugar a a reunión do Padroado no que tamén se aprobaron as contas de 2023 con superávit e facturación récord de 4,3M€

Laura Moure/Silleda

A Fundación Semana Verde de Galicia en Silleda celebrou este mércores no recinto feiral a reunión do seu Padroado, presidida polo secretario xeral técnico da Consellería de Presidencia, Xustiza e Deportes da Xunta de Galicia, Francisco Javier Abad, en calidade de vicepresidente do Padroado.

No encontro aprobáronse as contas do ano 2023, nas que a Fundación tivo un superávit

de máis de 73.500 euros, o que supón unha mellora do resultado económico respecto a

2022, cando houbera un equilibro técnico das mesmas, e ademais representa tanto acadar

a maior facturación da súa historia, con 4,3 millóns de euros, como un 153% máis de

facturación que fai dez anos, cando fora de 1,7 millóns.

Publicidade

Preme na imaxe para inscribirte e obter máis información.

O ano pasado tiveron lugar 23 eventos maiores e outros tanto menores, ademais das

sesións da Central Agropecuaria de Galicia ABANCA, a cal tamén rexistrou o maior

volume de transaccións da súa historia, con máis de 33,7 millóns de euros. Así mesmo, foi

o ano de recuperación do público no recinto tras a pandemia, converténdose no segundo

con máis afluencia dende que hai rexistros dese dato, ao situarse en máis de 240.000

visitantes.

Por outra banda, no encontro fíxose balance das actividades destes primeiros seis meses

do ano, nos que se celebraron 10 eventos maiores e 11 menores, ademais de 24 sesións

da Central Agropecuaria de Galicia ABANCA.

Publicidade

Preme na imaxe se queres saber máis deste evento.

Respecto a estas citas do primeiro semestre, é destacable a incorporación ao calendario

do recinto Feira Internacional de Galicia ABANCA dun novo certame de organización

propia, a I Feira de Servizos Municipais, ExpoMunicipal, desenvolvida en abril xunto co

salón de enerxía Enerxétika e que acadou unha importante participación no seu debut, con

110 empresas de cinco países.

Ademais, son tamén salientables a cifra de expositores directos na 46ª Abanca Semana

Verde de Galicia, a mellor dos últimos 17 anos ao contar con 746 empresas e entidades, e

tamén os récords conseguidos nos seus salóns de alimentación e turismo tanto en

participantes como en superficie.

Publicidade

Preme na imaxe para obter máis información do evento

Galiforest Abanca, outra feira de récord que comeza hoxe

Neste primeiro semestre do ano a Fundación Semana Verde de Galicia tamén celebra outra cita de gran relevancia, o monográfico forestal Galiforest Abanca, que desenvolverá

a súa sétima edición dende hoxe e a ata o sábado nun lugar real de traballo, o monte do

Centro de Formación e Experimentación Agroforestal de Sergude, en Boqueixón. Unha convocatoria coa que se volve superar e celebrar a súa mellor edición, con 107

expositores directos, 360 firmas, 15.306 metros cadrados e cerca de 200 demostracións

empregos.