A Festa da Empanada da Bandeira contará con fornos e punto de venda oficial de empanadas

Ecos da Comarca/Silleda

A Asociación Cultural Amigos da Empanada da Bandeira (Silleda) vai ter ao dispor de todas as persoas asistentes á XLVII edición da Festa da Empanada un posto de venda de empanadas situado na entrada da Carballeira da Pomba. O posto estará aberto para o xantar e para a cea e, nesta ocasión, a panadaría que o rexentará será Cervela, do veciño concello da Estrada. Haberá empanadas dos sabores máis tradicionais e tamén especialidades para todos os gustos.

Publicidade

Preme na imaxe se queres obter máis información do evento.

Coma todos os anos, haberá tamén un servizo de pulpeiro no carro, onde todos os asistentes poderán desgustar empanadas e polbo nas mesas do pulpeiro. Para as persoas que queiran optar por esta opción, recoméndase facer reserva no teléfono: 659 908 745.

Publicidade

Preme na imaxe se queres contactar connosco.

En relación co concurso gastronómico, a entidade cultural fai un chamamento á veciñanza para cumprir os prazos establecidos de inscrición das empanadas, que este ano será de 11:30 a 13:00 horas. A partir da 13:00 horas terá lugar o acto da XLVII Festa da Empanada e, posteriormente, a multitudinaria comida de peñas.

Podedes seguir todos os detalles desta festa na súa web: https://www.festadaempanada.org/