A sesión é de balde, pero é preciso anotarse previamente no departamento de Benestar
Laura Moure/Silleda
A Concellería de Benestar e Educación de Silleda, que dirixe Ángela Troitiño, programou para o vindeiro sábado día 4 de marzo a que será a última das sesións desta edición da Escola de Familias, un foro que busca convertirse nun espazo de formación e apoio para familias con fillos/as pequenos, preadolescentes e tamén adolescentes. Distintas persoas profesionais da pedagoxía e da xestión emocional serán as encargadas de impartir estas charlas informativas.
Despois das tres sesións anteriores, ese sábado ás 10:30 horas celebrarase a que leva por título Reconstruindo. Tera lugar este sábado 4 de marzo, para abordar a etapa da adolescencia, cando chegando a adolescencia se reconstrúen certas crenzas, pensamentos, ideas… polo que se fai preciso educar dende a empatía e a comprensión, atender as necesidades educativas en relación á sexualidade e fomentar relacións baseadas no consentimento.
O rol dos proxenitores na adolescencia, ou temas como a sexualidade, relacións e consentimento, e a comunicación serán abordadas nesta última sesión. A asistencia é gratuita se ben é preciso inscribirse previamente chamando ao 986 592 037.
Comments