top of page
Perruquería Marisa.gif

A empresa dezá Kalékoi recibe o accésit como iniciativa emprendedora nos Premios Alimentos de España

Laura Moure/Deza

O Ministerio de Agricultura, Pesca e Alimentación acolleu en Madrid a gala de premios Alimentos de España. Un acto no que a firma dezá Kalekói recibiu o Áccesit Alimentos de España á iniciativa Emprendedora na modalidade Industria Alimentaria, ano 2021. Álex Moure, socio de Kalekói, recibiu de man de Luís Planas, Ministro de Agricultura, Pesca e Alimentación, a distinción. Este áccesit é un recoñecemento á aposta da firma de Deza pola produción de iogures elaborados con leite A2, que provén da propia gandería familiar situada en Rodeiro.

Kalekói iniciou a súa andaina a finais de 2015, cando Susana Aguiar e Álex Moure decidiron emprender no rural para poñer en marcha un proxecto no que poñer en valor o leite da gandería dos pais de Susana. “É un orgullo recibir unha distinción, esta máis se cabe xa que é un recoñecemento a nivel nacional. É algo que non podiamos imaxinarnos hai apenas seis anos cando Kalekói comezaba a vender os seus primeiros iogures. É un bo empuxón para seguir traballando forte, nun contexto realmente complicado”.

O Director Xeral de Gandería, Agricultura e Industrias Agroalimentarias da Consellería do Medio Rural, D. Xosé Balseiros, acompañou aos galardoados no acto celebrado na Sede Central do Ministerio.

112 visualizaciones0 comentarios
IRS.gif
Copia de ¡TU Anuncio!.gif
bottom of page