A empresa Cosaplag leva a cabo tarefas de desinfección nas instalacións públicas de Agolada

Laura Moure/Agolada

“O municipio de Agolada leva semanas libre de coronavirus, pero non se pode baixar a garda e é necesario seguir tomando todas as precaucións para evitar que volva haber casos, xa que estamos vendo que en concellos veciños o número de afectados se está disparando”, sinala o alcalde do municipio, Luís Calvo. Por iso neste concello séguese levando a cabo tarefas de desinfección, porque a situación pode mudar en calquera momento. A última desinfección foi este xoves.

Cando irrompeu a pandemia, Agolada puxo en marcha continuas accións para desinfectar tanto no casco urbano, como nas diferentes parroquias. Agora que o municipio leva semanas sen casos, as tarefas realízanse de maneira periódica nas distintas instalacións públicas: no consistorio, no colexio, na escola de música, na biblioteca e no centro de saúde, entre outras. A empresa encargada desta labor nos edificios de titularidade municipal é Cosaplag.

O mandatario agoladés incide na importancia de extremar as precaucións para lograr que o municipio siga libre deste virus.

O empleado da empresa e o alcalde.