A deputada Montse Prado, acompañada dos candidatos do BNG de Silleda e Cruces, visita Campomarzo
Tamén estiveron presentes a actual concelleira silledense, Tania Cornado, e membros da "Plataforma No ao Vertedoiro en Campomarzo"
Laura Moure/Deza
A deputada do BNG, Montse Prado, acompañada dos candidatos do BNG de Silleda e Vila de Cruces, Erea Rey e Alex Fiuza, realizou unha visita ao vertedoiro de Campomarzo; previo ao debate que terá lugar o vindeiro mércores, 26, ás 16:00 horas no Parlamento galego. Tamén estiveron presente a actual concelleira, Tania Cornado, e membros da “Plataforma Non ao Vertedoiro en Campomarzo”.
Montse Prado explicou os termos da pregunta rexistrada polo BNG que irá ao pleno do parlamento o vindeiro día 26.
Logo do remate do prazo de presentacións de alegacións, os nacionalistas consideran urxente tomar medidas para a restauración do espazo contaminado e impedir ás filtracións dos lixiviados que se están a verter actualmente ao río sen tratamento. Este é un dos puntos que mais preocupación está a xerar entre os veciños, posto que a polémica sobre a instalación dun novo vertedoiro resaltou o grave estado de deterioro do vaso receptor de inertes. Á contaminación existente súmase a degradación da zona pola antiga canteira que provoca unha alteración da acidez dos terreos excavados.
Montse Prado tamén se interesou polo traballo da plataforma e agradeceu a enorme difusión e información que están a realizar. Prometeu todo o apoio posible do grupo parlamentar do BNG para impedir a instalación deste vertedoiro de residuos industriais tan cerca dun río e dun espazo protexido como o de Rede Natura.
Polo súa banda, a candidata do BNG en Silleda, Erea Rey, considera que “os alcaldes deberían adoptar unha postura de rexeiramento total ante este atentado medio ambiental”. Palabras coas que concorda o candidato do BNG en de Vila de Cruces, Alex Fiuza, que incide “na urxencia de tomar medidas para evitar a se siga contaminando a traída de augas de Merza".
