Perruquería Marisa.png

ESPAZO DISPOÑIBLE PARA ANUNCIARSE

A Deputación financia con 133.000 euros a mellora do Parque da Feira de Arzúa

O ente provincial achegará o 80% do orzamento total do proxecto, que ascende a 167.000 euros


Laura Moure/Arzúa

A Deputación da Coruña financiará con 133.946,94 euros o proxecto de mellora do Parque da Feira do Concello de Arzúa, situado no núcleo urbano do municipio e que presenta un elevado estado de deterioro na actualidade. O presidente da Deputación, Valentín González Formoso, e o alcalde de Arzúa, José Luis García, asinaron este venres o convenio polo que a administración provincial destinará 133.946,94 euros, o que supón o 80% do custo total do proxecto, que ascende a 167.433,68 euros. No acto participaron tamén a concelleira de Obras, Servizos e Turismo, Begoña Balado Conde, e o deputado de Economía e Facenda, Antonio Leira.

O obxectivo da actuación é o acondicionamento da explanada, demolendo os pavimentos pétreos existentes, levantando as escaleiras e tamén outros 62,5 metros cadrados para a colocación de tres novas árbores autóctonas coa correspondente superficie vexetada no contacto do Campo da Feira coa rúa Fraga do Rei. Posteriormente executarase un novo pavimento formado por lousas rectangulares de granito silvestre moreno e instalarase o sistema de rega, que contará con 23 difusores emerxentes e 541 metros de tubaxe.

Previamente ao inicio dos traballos procederase á retirada dos elementos de mobiliario existentes (varandas, bancos, fonte e papeleiras) para a súa acumulación e posterior relocalización ao remate das obras. Ademais, tamén se colocarán catro bancos novos.


31 visualizaciones0 comentarios
IRS.jpg

ESPAZO DISPOÑIBLE PARA ANUNCIARSE