Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

A Deputación de Pontevedra destinará máis de 600.000 euros á conservación de estradas de Deza

Laura Moure/Deza

O Pleno da Deputación de Pontevedra dará luz verde este venres ao novo acordo marco de conservación de firmes das estradas provinciais que destinará case 4,5 millóns de euros para intervir en todos os concellos durante o 2021. A presidenta Carmela Silva, xunto ao deputado de Infraestruturas Gregorio Agís, puxo en valor "o enorme esforzo económico que facemos este ano aumentando os investimentos, ademais de actuar con equidade, na totalidade da provincia". A presidenta insistiu en que co modelo de mobilidade amable, sostible e coas persoas no centro que ten a Deputación, "o obxectivo é manter en bo estado todas as infraestruturas porque nos importa a seguridade das veciñas e veciños e non facer política partidaria".

Carmela Silva.

Silva tamén recordou que só co acordo marco de conservación de firmes, dende o 2018 o goberno provincial investiu xa 17,5 millóns de euros na conservación dos máis de 1.650 quilómetros que ten a rede de estradas provinciais. O novo acordo marco, que ten vixencia dun ano prorrogable ata catro, "supón traballos para conservar a superficie das vías e a súa estrutura, para que sexan acaídas a un século onde a seguridade viaria ten que ser fundamental para as administracións públicas".


Deste xeito, a través desta iniciativa, vaise garantir a viabilidade e seguranza viaria, realizando todo o mantemento da rede de estradas provinciais e repoñendo tamén a sinalización afectada. "Manter as nosas infraestruturas – engadiu Silva- ten ademais unha influencia moi directa no emprego e nas empresas e xa o anunciamos cando presentamos o orzamento: neste 2021 imos facer un enorme esforzo por facer grandes investimentos".


Deste xeito, os traballos incluídos no novo acordo marco, que ascenden a cerca de 4,5 millóns de euros durante este ano, estenderanse pola provincia de Pontevedra a través dunha nova distribución en seis zonas, o que supón unha máis que as cinco que estipulaba o acordo anterior. Así, na zona A, que abrangue os concellos de Lalín, Dozón, Rodeiro, Agolada e Vila de Cruces, investiranse 638.184 euros; a zona B, á que se destinará 867.894 euros, inclúe a Silleda, A Estrada, Cerdedo-Cotobade, Forcarei, Caldas, Cuntis, Valga, Pontecesures e Catoira; a Zona C, onde se investirán 634.094 euros, abrangue os concellos de Barro, Caldas, Portas, Cambados, O Grove, Sanxenxo, Meaño, Meis, Ribadumia, Vilanova e A Illa; a Zona D, á que se destinarán 878.598 euros, comprende Pontevedra, Vilaboa, Ponte Caldelas, A Lama, Cerdedo-Cotobade, Barro, Poio, Cangas, Moaña, Marín, Bueu, Pazos, Fornelos, Redondela, Soutomaior, Moraña e Campo Lameiro; a Zona E, onde se investirán 723.076 euros, inclúe os concellos de Salceda, Pazos, Tui, Ponteareas, Salvaterra, As Neves, Mondariz, Mondariz-Balneario, A Cañiza, Covelo, Arbo e Crecente; e a Zona F, á que se achegarán 689.073 euros, abrangue Vigo, Nigrán, Baiona, Gondomar, O Porriño, Salceda, Mos, Redondela, Tui, Tomiño, Oia e O Rosal.


"Todos os concellos se beneficiarán do esforzo inversor que facemos para manter en boas condicións os firmes das estradas provinciais" asegurou Carmela Silva. "Actuamos con equidade, na totalidade da provincia e mantemos en bo estado todas as infraestruturas porque impórtanos a seguridade das veciñas e veciños e non facer política partidaria", engadiu a presidenta quen tamén recordou que "cando gobernaba o PP na Deputación os únicos firmes que se mantiñan eran os das estradas provinciais situadas nos concellos gobernados polo PP. Sen embargo, as infraestruturas dos concellos gobernados por outros partidos políticos estaban nunha situación deplorable".

30 vistas0 comentarios

Entradas Recientes

Ver todo
IRS.jpg

ESPAZO DISPOÑIBLE PARA ANUNCIARSE