Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

A Deputación adxudica por 358.660 euros a nova fase da ampliación da estrada de Cruces a Penablanca

As obras anchearán este vial de Sobrado ata os 7,5 metros nun tramo duns cinco quilómetros, dando continuidade ás realizadas nos tres primeiros quilómetros da estrada


Laura Moure/Sobrado dos Monxes

O deputado responsable da área de Vías e Obras da Deputación da Coruña, José Manuel Pequeño, anunciou este mércores que o seu departamento vén de adxudicar a segunda fase das obras de ampliación e mellora da estrada provincial DP 8001 de Cruces a Penablanca, no termo municipal de Sobrado, que suporán un invstimento de 358.660 euros.


"As obras darán continuidade ás xa realizadas pola Deputación da Coruña nos primeiros tres quilómetros do vial para ampliar a plataforma da estrada de 4,5 a 7,5 metros aproveitando a zona de dominio público existente nas marxes", afirmou Pequeño. Así, a Deputación da Coruña continuará a ampliación do vial noutro tramo de aproximadamente cinco quilómetros da estrada que discorre entre entre os puntos quilométricos 3+200 e o 7+910, igualando o ancho da estrada en todo o seu percorrido.

A estrada que se ampliará.

Mellora da seguridade

O alcalde de Sobrado, Lisardo Santos, manifestou a súa satisfacción porque o goberno provincial de Valentín González Formoso "cumpra o seu compromiso e atenda esta antiga demanda do Concello de Sobrado, facendo realidade unhas obras moi necesarias para garantir que os vehículos podan circular e cruzarse en condicións de seguridade nun vial que conecta numerosos núcleos de poboación do municipio e que dá acceso a explotacións gandeiras".


A plataforma do vial pasará dos 4-5 metros actuais aos 7-8 metros, mellorando notablemente a seguridade. As obras incluirán a instalación de drenaxe lonxitudinal, a execución de taludes nalgúns tramos puntuais do trazado, a renovación completa do pavimento e o pintado e renovación da sinalización horizontal e vertical. Teñen un prazo de execución de seis meses.


48 vistas0 comentarios
IRS.jpg

ESPAZO DISPOÑIBLE PARA ANUNCIARSE