A Cooperativa O Rodo de Rodeiro celebrará o día 5 a súa comida de confraternidade

Incluirá un recoñecemento a José Luis Camiñas Vázquez, o que foi presidente desta entidade durante os últimos 13 anos

Laura Moure/Rodeiro

A Cooperativa o Rodo de Rodeiro volve celebrar este sábado, día 5, a súa comida de confraternidade despois destes anos de pandemia. Para o Consello Reitor este tipo de celebracións son de máxima importancia. "Xuntarse para verse e saudarse, simple pero ao mesmo tempo é o que provoca coller impulso e orgullo do que, entre gran parte das granxas familiares do concello de Rodeiro, construímos ala polos anos 80 e a día de hoxe segue a ser máis importante ca nunca", sinala.

Nesta ocasión, apuntan, que tamén "sumamos á habitual festividade o recoñecemento a Jose Luis Camiñas Vázquez, o que foi presidente de O Rodo durante os últimos 13 anos.

Para este recoñecemento tomaran a palabra diversos representantes das administracións públicas e tamén persoas relacionadas coa propia Cooperativa".

Preme na imaxe se quere contactar connosco.

"Recoñecer o tempo adicado a Cooperativa é algo que nos engrandece como empresa, ter sempre en conta aquelas persoas que traballaron en beneficio sector primario Cambote será unha guía para a nova direción. Temos como principal eixo de traballo transformar dende o continuísmo. Este é o mellor recoñecemento que podemos facer dende a nova presidencia".

A programación

Terá lugar a recepción de autoridades ás 13:30 horas e media hora despois comezará o xantar de confraternidade. Na hora do café,serán as palabras de recoñecemento.