top of page

A cooperativa O Rodo de Rodeiro acolle un curso de inseminación

Este está impartido por Héctor Martínez e Leticia Diéguez


Laura Moure/Rodeiro

A Cooperativa O Rodo de Rodeiro ten como obxectivo, entre as novidades que queren aportar dende a dirección para este período, a de incrementar os coñecementos técnicos e a profesionalización das granxas socias. Para iso, no día de hoxe, comezou un curso de inseminación impartido por Héctor Martínez Sanz, veterinario na Finca Mouriscade, e Leticia Diéguez Pérez, técnica de reprodución da Cooperativa O Rodo.

"A reprodución xoga un papel importantísimo na produción láctea e cárnica e os datos estatísticos que temos de control leiteiro trasládanmos que, no conxunto de Rodeiro, temos marxe de mellora. Para iso é interesante que os gandeiros/as aprendan a inseminar e tamén adquiran coñecementos sobre este proceso", sinala a entidade.

Con respecto ao servizo de reprodución, apunta que está en proceso de cambios e melloras. "Que as granxas teñan a posibilidade de poder ter este servizo dúas veces ao mes, sincronizar para o día da visita do técnico, dixitalización da información reprodutiva de cada granxa, etc. Dende O Rodo consideramos que debemos ofrecer aos socios e socias os mellores servizos coa finalidade de que as granxas locais xeneren maiores beneficios".

Así mesmo, apunta que no eido da información técnica aos socios e socias, este curso xa non é a primeira xornada, xa que no pasado mes de decembro acolleron una xornada sobre a PAC e as axudas sobre Kit Dixital.


0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page