Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

A Consellería de Medio Ambiente, Territorio e Vivenda rehabilitará unha vivenda en Santiso e Dozón

En total reformará 42 inmobles nunha vintena de concellos galegos por 1,5 millóns de euros para destinalas a alugueiro social


Laura Moure/Santiso/Dozón

A Consellería de Medio Ambiente, Territorio e Vivenda vén de confirmar a concesión de axudas por un importe de máis de 1,5 millóns de euros coas que se rehabilitarán 42 vivendas de titularidade municipal en 20 concellos galegos, entres estes en Santiso e Dozón.

O Instituto Galego de Vivenda e Solo está a avanzar na resolución das axudas, convocadas por esta entidades en marzo, presentadas polos Concellos galegos, para mellorar o parque inmobiliario da súa propiedade e poder destinalo a alugueiro social. Grazas a estes 20 proxectos disporanse de máis de 40 novos fogares para facilitar o acceso a unha vivenda en alugueiro a senllas familias.

Os inmobles cos que se disporán de 42 vivendas, tras a rehabilitación, están ubicados nos concellos da provincia da Coruña de Santiso (1), Curtis (2) e na Baña (2); na provincia de Lugo, Alfoz (1), Sarria (5), A Fonsagrada (2) e Paradela 2); nos concellos ourensáns de A Veiga (8), Cartelle (1), Riós (2), Trives (1), Taboadela (3), Os Blancos (2), Ramirás (1) Lobios (2), Porqueira (1), Cortegada (1), A Merca (2); e –por último- en Dozón (1) e A Lama (2), na provincia de Pontevedra.


Cómpre recordar que estas axudas están pensadas para prestar apoio aos Concellos de menos de 20.000 habitantes, para que poidan rehabilitar edificacións e vivendas de titularidade municipal xa existentes e as adxudiquen, en réxime de alugamento, a unidades de convivencia con ingresos inferiores a 2,5 veces o IPREM.


A Consellería de Medio Ambiente salienta que este tipo de axudas teñen un dobre beneficio, como é o de facilitar unha vivenda digna ás persoas que o necesitan e recuperar unha zona degradada, dotala de vida e enchela de xente que se quede a vivir neste concellos máis pequenos.


Grazas a estes incentivos, os concellos non teñen que asumir o 100% do custe dos traballos para recuperar e mellorar o estado actual dos inmobles que, en cada caso, presentan unhas condicións arquitectónicas distintas; que requirirán renovar as cubertas, cambiar carpinterías exteriores, rehabilitar fachadas e acondicionar os accesos, entre outras actuacións.


A Xunta puxo en marcha en no ano 2017 o programa para a rehabilitación de vivendas de mestres e outro oficios. O interese dos concellos por este liña de incentivos -actuouse nun total de 125 vivendas- levou ao Goberno galego a ampliar este programa ás edificacións e vivendas de titularidade municipal.

77 vistas0 comentarios

Entradas Recientes

Ver todo
IRS.jpg

ESPAZO DISPOÑIBLE PARA ANUNCIARSE