Perruquería Marisa.png

ESPAZO DISPOÑIBLE PARA ANUNCIARSE

A concellería de Normalización Lingüística de Silleda reparte bolsas con Xela Arias á mocidadade

Son de tela e entregaránse ao longo da vindeira semana no departamento, no Centro Social de Silleda


Laura Moure/Silleda

A Concellería de Normalización Lingüística, que dirixe Ángela Troitiño, repartirá entre a mocidade tote bags (bolsas de tela) ca estampa da poetisa Xela Arias, a quen se adica este ano o Día das Letras Galegas. As bolsas repartiránse de xeito gratuíto (ata esgotar existencia) entre a poboación máis nova de 12 a 30 anos de idade. Poderán retirarse dende o vindeiro martes 18 e ata o venres 21 no Centro Social de Silleda presentando o Documento de Identidade.


Esta acción de difusión enmarcase na programación que está a levar a cabo o Concello de Silleda con motivo do Día das Letras, e que continuo este sábado ca entrega do premio Modesto R. Figueiredo de narración curta a Adolfo Caamaño, Esteban Brea e Antonio Piñeiro. O acto, conducido pola escritora e xornalista silledense Ana Cabaleiro, foi o este sábado polo mañá na Casa da Cultura e contou tamén cunha homenaxe á autora de Sarria ca lectura de poemas a cargo das silledenses Carmen Castro e Sara Villa. A música chegará da man dun grupo de vento da Escola e banda de Música de Silleda.

Entrega do premio Modesto R. Figueiredo de narración curta a Adolfo Caamaño, Esteban Brea e Antonio Piñeiro este sábado.


Polo correo do vento

E xa o mércores 19 a programación continuará para o público máis novo, cunha dobre sesión (en Silleda e na Bandeira) que repasará a vida e obra de Xela Arias a través dun conto ilustrado da man de Polo Correo do Vento, colectivo especialidado en actividades para os máis cativos co fin de promover a lectura, a comprensión oral en galego e o desenvolvemento da creatividade e expresión artística das nenas e nenos. Baixo o lema Xela Arias, liberdade, Solidariedade e amor pola lingua, os integrantes do grupo Enrique Mauricio e Carlos Taboada, ofrecerán dúas funcións na tarde do mércores, unha no Centro Cultural Vista Alegre (17:00 horas) da Bandeira e outra no salón de actos da Casa da Cultura de Silleda ás 18:30 horas.


Debido á situación sociosanitaria para asistir a estas actividades será preciso anotarse previamente, a fin de cumprir cas limitacións de aforo establecidas. As persoas interasadas deben chamar ao 986 580 000 (preguntando polo departamento de Cultura).



10 visualizaciones0 comentarios

Entradas Recientes

Ver todo
IRS.jpg

ESPAZO DISPOÑIBLE PARA ANUNCIARSE