top of page

A comunidade galega precisa aumentar as reservas de sangue dos grupos A Positivo e 0 Negativo

Estes amosan niveis baixos, polo que é necesario reforzar o permanente chamamento á colaboración nas campañas de doazón de sangue



Laura Moure/Xeral

A Axencia de Doazón de Órganos e Sangue (ADOS), realizaun chamamento xeneralizado á participación da poboación galega na doazón de sanguee, de maneira especial,aos doantes dos grupos A Positivo e 0 Negativo. As reservas destes grupos presentan niveis baixos,polo que é preciso reforzar o permanente chamamento á participación nas campañas de doazón que realiza a Consellería de Sanidade por mediación de ADOS. Cómpre lembrar que os hospitais de Galicia necesitan entre 400 e 500 diarias para desenvolver de maneira eficazo seu gran labor asistencial


En moitas das tarefas que se realizan a diario nos centros sanitarios de Galicia son imprescindibles os compoñentes sanguíneos. En determinadas épocas do ano pode baixar o número de doazóns, como nas pasadas Festas doEntroido, pero non acontece o mesmo coa demanda de sangue e os seus derivados que precisan os hospitais. Por iso, é imprescindible a xenerosidade e altruísmo de todos os cidadáns, polo que ADOS solicitaun esforzo especial para incrementar as reservas de sangue.

Ademais, as distintas unidades móbiles da Axencia de Doazón de Órganos e Sangue visitarán nestes días diferentes concellos galegos para conseguir as doazóns precisas que garantan o desenvolvemento asistencial dos distintos centros sanitarios de Galicia.

ADOS espera contar de novo coa solidariedade da cidadanía galega. Nas comarcas de Arzúa, Deza, Terra de Melide e A Ulloa poderase doar sangue en Arzúa, hoxe xoves, (Xunto aos Xulgados en horario de 10 a 14 e de 16 a 21 horas) e en Lalín, o venres e o sábado. Nesta localidade a unidade móbil estará na Praza da Igrexa. O venres de 10:30 a 14 e de 17 a 21 horas e o sábado, de 10:30 a 14:30 horas.


Quen pode doar?

Pode doar sangue calquera persoa maior de idade, que pese máis de 50 quilos e que non padeza nin teña padecido enfermidades transmisibles polo sangue. A doazón de sangue é un acto sinxelo que permite a moitas persoas solucionar o seu problema de saúde e mesmo salvar vidas. Ademais, sinalar que sempre están presentes as máis rigorosas medidas de seguridade.


Para máis información, ADOS dispón do sitio web: ados.sergas.gal, as redes sociais, e o teléfono gratuíto de información 900 100 828, para resolver calquera dúbida relacionada coa doazón de sangue ou coñecer a data dos desprazamentos das unidades móbiles.

0 comentarios
IRS.gif
Copia de ¡TU Anuncio!.gif
Ecos_da_Comarca_neg.png
bottom of page