A Comisión de Festas de Silleda desvincúlase dunha publicación que solicita colaboracións publicitarias

Ecos da Comarca/Silleda

A comisión de festas de Verán de Silleda e a Asociación Cultural O Lacón desvincúlanse dunha iniciativa publicitaria que está a chegar ás empresas do municipio, tal e como comunicaron onte a través das redes sociais.

Presentación hai uns días das festas do verán de Silleda e da festa do lacón polas entidades organizadoras.

Publicidade

Preme na imaxe para obter máis información do evento.

"Unha entidade está a pedir aportacións económicas en nome da comisión e utilizando a imaxe da Festa do Lacón sen permiso nin autorización alguna", recalcan.

Publicidade

Preme na imaxe se queres contactar connosco.

É por iso que dende a Comisión de Festas (que xa leva semanas facendo o petitorio en persoa) se pon en coñecemento esta situación, para que a veciñanza saiba que a solicitude NON SE FAI en nome das entidades organizadoras das Festas de Verán.