Laura Moure/Deza
Dende hai días son varios os veciños da comarca de Deza que están tendo problemas coa sinal de televisión e internet, como está acontecendo en lugares de Rodeiro e Agolada.
"Dende onte, e en varias partes do concello, hai problemas co sinal do televisor e non se poden ver as canles habituais. Dende o Concello xa se deu parte e están os técnicos de Retegal traballando para dar co problema na antena que hai no monte de Suíme (Santa Mariña)", informa o alcalde de Rodeiro, Rubén Quintá.
E dende a semana pasada veciños de Agolada, como de Berredo, Eidián ou do propio casco urbano, tamén están tendo problemas coa sinal de televisión así como da internet.
Para comunicar as incidencias os interesados poden informarse no seguinte enlace:
Comments