Inaugurouse este luns e poderase ver ata o 31 deste mes
Laura Moure/Silleda
A sala de exposicións Manuel Colmeiro da Casa da Cultura de Silleda acolle unha exposición de fotos enxebres, organizada polo veciño de Laro José García, que ao longo do ano leva a cabo distintas iniciativas, entre eles moitas solidarias. A mostra inaugurouse este luns e poderá visitarse ata o 31 de agosto de 9:00 a 14:00 horas con entrada gratuíta.
Na inauguración estiveron presentes o alcalde de Silleda, Manuel Cuíña, e as concelleiras de Benestar Social, Ángela Troitiño, e de Cultura, Mónica González.
As gañadoras deste concurso de fotos enxebres (todas as imaxes participantes compoñen a mostra) son Mari Presas, Rosa Rozas e Rocío Taboada.
"Grazas a todos e todas unha vez máis por participar no concurso. Foi moi bonito recordar os tempos dos nosos avós e das nosas avoas e foi grazas a vós senón isto non sería posible", agradece José García. "Este é o último concurso que fago este ano. Vou descansar ata o ano que vén que teño novos e xa vos irei dando pistas", avanza.
Comments