Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

A Biblioteca de Antas de Ulla convoca o Certame de narración e debuxo infantil Letras Galegas 2022

O prazo de presentación dos traballos rematará o vindeiro 5 de maio, debendo ser entregados polos seus autores na propia biblioteca


Laura Moure/Antas de Ulla

A Biblioteca Pública Municipal de Antas de Ulla vén de convocar o Certame de narración e debuxo infantil Letras Galegas 2022 e haberá tres categorías. O prazo para presentar os traballos finalizará o 5 de maio e deberan entregarse na propia biblioteca.

Poden participar todas as nenas e nenos con:

  1. Narracións, en galego, cunha extensión máxima dun folio por unha soa cara, sobre o tema proposto a continuación: O QUE PASA AO MEU ARREDOR: Observa o mundo. Non precisas subir nun foguete nin nun avión. Mira ao teu arredor. Que ves? Que pasa? Como te sentes? Podes contalo. Podes debuxalo. O que ves, o que sentes, o que pensas é importante. É a túa visión do mundo. E a para nós, é valioso.

  2. Debuxos, feitos sobre cartolina de tamaño aproximado de DIN A4, sobre o tema proposto a continuación: O QUE PASA AO MEU ARREDOR: Observa o mundo. Non precisas subir nun foguete nin nun avión. Mira ao teu arredor. Que ves? Que pasa? Como te sentes? Podes contalo. Podes debuxalo. O que ves, o que sentes, o que pensas é importante. É a túa visión do mundo. E a para nós, é valioso.

Cada autor pode presentar cantos traballos desexe, mecanografados, escritos a computador ou a man; neste último caso sempre a bolígrafo e nunca a lapis. Con cada traballo, acompañarase unha folla co nome e demais datos do autor.


Establécense tres categorías: A, ata 8 anos, B, de 9 a 11 anos, C, de 12 a 16 anos.

O prazo de presentación dos traballos rematará o vindeiro 5 de maio, debendo ser

entregados polos seus autores na Biblioteca Pública Municipal. O xurado, formado por persoas entendidas na materia, seleccionará por cada modalidade e categoría un máximo de tres traballos. O fallo do xurado local farase público antes do Día das Letras Galegas.


Os traballos premiados nesta fase local participarán na fase provincial do certame,

convocada pola Biblioteca Pública de Lugo, co patrocinio da Consellería de Cultura,

Educación e Universidade da Xunta de Galicia. Os traballos premiados pasarán a ser propiedade da Biblioteca Pública que se reserva o dereito de publicación dos mesmos.

A organización recalca que todas as incidencias non previstas nas bases do certame serán resoltas polo xurado e a presentación das obras a este certame supón a aceptación das presentes bases.


21 visualizaciones0 comentarios
IRS.jpg

ESPAZO DISPOÑIBLE PARA ANUNCIARSE