A Asociación Gandeiras e Gandeiros Galegos (Elas Eles) demanda "a dimisión inmediata" de Balseiros

Ecos da Comarca/Xeral

Tras a situación das últimas semanas na que se declararon en Galicia zonas vulnerables de nitratos, dende a Asociación  Gandeiras e Gandeiros Galegos (Elas Eles), reclaman "a dimisión inmediata do máximo responsable en materia como é o señor José Balseiros Guinarte, responsable da área de Gandería, e unha reprobación da conselleira de Medio Ambiente, Ánxeles Vázquez, responsable desta área".

Publicidade

Preme na imaxe para obter máis información do evento.

Sinala o colectivo que é "unha situación que o Parlamento Europeo trasladou en múltiples ocasións á comunidade autónoma galega, da cal non é allea, xa que o goberno de Rueda conta  con 4 Eurodiputados con vinculación á comunidade autónoma e uns 22 Eurodiputados do Partido Popular demócrata cristiano".

Reclamamos, insiste, "unha rectificación inmediata e un estudio feaciente das zonas delimitadas como vulnerables, tras apreciar incoherencias, xa que unha zona non se pode delimitar por un punto o cal non conta con zonas de zonas gandeiras como é a de Ferrol Zas, Santiso...".

Publicidade    

Preme na imaxe se queres contactar connosco.

O presidente da asociación, o cruceño Adrián Riádigos, tamén ve como "unha clara intención de impoñer planta de biogás ao sector gandeiro e vincular o mesmo coa contaminación de augas cando non se quere facer público o rexistro e as localizacións de vertidos dos xestores de residuos, cunha clara opacidade na cal a Xunta ten as competencias de xestión e control".