A Asociación Gandeira Rubia Galega do País colabora nos traballos para recuperar a xenética desta raza

O proxecto liderado pola Axencia Galega da Calidade Alimentaria en colaboración con Xenética Fontao busca nas vacas de gandeirías de Rodeiro as características destas

Laura Moure/Rodeiro

A Asociación Gandeira Rubia Galega do País colabora coas labores de obtención de mostras de vacas rubias para a recuperación da xenética da Vaca Rubia Galega de antes,

“a tradicional”. Neste proxecto traballa da man de Xenética Fontao e da Axencia Galega

da Calidade Alimentaria (AGACAL), que serán as entidades encargadas de facer o

traballo de investigación para dar coa xenética axeitada.

Estas actividades enmárcanse dentro do proxecto titulado “Consolidación do núcleo de

vacún de raza Rubia Galega especialmente seleccionado polas súas cualidades

maternais no CIAM e posta a disposición de reprodutores e material xerminal desta liña

de selección xenética en ganderías galegas de vacún de carne”, que é liderado pola

AGACAL como proxecto de conservación xenética gandeira financiado polo Plan

estratéxico PAC 2023-2027 (PEPAC) dentro da subintervención 65052_02, cofinanciado

ao 8 0% por fondos FEADER, ao 14 % pola Xunta de Galicia e ao 6 % polo Ministerio de

Agricultura Pesca e Alimentación.

Para dar forma a isto, visitaron diferentes ganderías de Rodeiro e obtiveron mostras de

diferentes animais, que posteriormente analizarán e estudarán entre AGACAL e Xenética

Fontao. A recollida fíxose en exemplares nos que morfoloxicamente se identificou a

presencia de características maternais das vacas “de antes”, segundo o criterio do técnico

do investigador da AGACAL, Luis Vázquez, e do persoal de Xenética Fontao.

 PUBLICIDADE

Se queres obter máis información do evento preme na imaxe.

Entre os caracteres que teñen en conta están os maternais, de crecemento e do canal.

Como índices para decisión de selección, destacan os índices materno e de produción.

O índice de produción, que está equilibrado en canto a trazos maternos, de produción e

do canal, se orienta á selección de xovencas cunha ampla mellora en múltiples trazos.

Tamén se observa o índice materno que está especialmente deseñado para seleccionar

xovencas de recría por fertilidade, lonxevidade e maior peso dos xatos ao destete, sendo

unha ferramenta orientada á produción de xatos ao destete ou cun corto período de cebo.

Finalmente tamén se obtén un índice terminal, orientado a identificar animais cun

rendemento superior no canal, e que pon maior énfase no peso do canal quente, seguido

do marmoreado e da área do lombo.

Todos os gandeiros/as participantes obterán unha ficha técnica na que poderán ver, dos

animais seleccionado polos técnicos as puntuacións nos caracteres e índices xenéticos

indicados. Deste xeito, poden saber que animais teñen características maternais máis

similares a Vaca Rubia Galega “do país”.

 PUBLICIDADE

Preme para obter máis información.

A finalidade é identificar os animais da raza coas mellores características maternais, sen

descoidar as relativas ao crecemento. Así mesmo, estes exemplares seleccionados

poden ser de interese para a súa multiplicación nun futuro, permitindo así poder recuperar

e manter as características da Vaca Rubia Galega tradicional, que destacaba polo seu

potencial maternal, producindo leite abondo para aleitar as crías.