530 persoas desfrutaron da 32ª Xuntanza das Persoas Maiores de Vila de Cruces

José Iglesias, Adolfo Gómez, Consuelo Gómez, Carmen López e J.Manuel Grandas foron recoñecidos nesta cita

Ecos da Comarca/Vila de Cruces

O Concello de Vila de Cruces celebrou onte a 32ª Xuntanza das Persoas Maiores de Vila de Cruces, nas Insuas de San Ramón, nnañ parroquia de Gres. Asisitiron, tal e como informa o Concello 530 persoa. "Foi un día espectacular, gozoso e de irmandade!".

Publicidade

O Concello indica que esta xornada é unha oportunidade para compartir recordos,

alegrías e bos momentos con quen foron e seguen sendo “exemplo de entrega, esforzo

e sabedoría”. O rexedor, Luís Taboada, indica que é a festa máis importante de Cruces

xunto coa festa do Galo. “Render homenaxe á nosa xente da terceira idade, mulleres e

homes, é unha obriga e un acto de confraternidade. Poder falar con eles,

enriquecernos cos seus testemuños de vida e poder abrazalos é un gozo e un privilexio. Pero, ademais, a xuntanza ten un profundo sentido de estímulo comunitario, particularmente importante nas aldeas e parroquias. O contacto persoal tamén nos descobre, en ocasións, algún tipo de necesidade ou carencia. En todo caso, será un día moi feliz xuntos”, segundo explica Taboada con emoción.

Publicidade

E como todos anos recoñeceron aos máis veteranos da cita! Así entregaron agasallos para José Iglesias Diéguez, 100 anos, da parroquia de Ínsua; Consuelo Gómez Iglesias, 98 anos, da parroquia de Camanzo; Adolfo Gómez Lodeiro, 99 anos, da parroquia de Camanzo e Carmen López Otero, nacida en 1932 e da parroquia de Carbia!