50 pilotos participarán mañá na décima edición do Slalom de Monterroso
Laura Moure/Monterroso
Mañá, sábado 18 de marzo, dispútase a décima edición do Slalom no concello de Monterroso. A alcaldesa, Rocío Seijas, e o concelleiro Luis Mariño xunto cos organizadores do evento presentaron hoxe na Casa Consistorial esta proba deportiva que pon unha vez máis o foco no municipio de Monterroso.
A partir das 11:00 horas as rúas monterrosinas serán testemuña do 10 Slalom Monterroso no que participarán máis de 50 pilotos. Durante toda a xornada os vehículos participantes intentarán facer os menores tempos posibles para conseguir a vitoria.
Ás 21:00 horas na Cúpula de Monterroso haberá unha rolda de prensa cos tres primeiros clasificados e a continuación será a entrega de premios.
