Perruquería Marisa.gif

14 mozos de entre 18 e 30 anos participan en Lalín no campo de voluntariado 'Tradición en verde'

Proceden de Cataluña, Galicia, Huesca, Madrid, Zaragoza e Venezuela e a iniciativa durará ata o día 12 deste mes


Laura Moure/Lalín

O delegado territorial da Xunta en Pontevedra, Luis López, acompañado polo alcalde de Lalín, José Crespo, visitou este xoves o campo de voluntariado Tradición en Verde que deu comezo o pasado luns día 1 de agosto e que se desenvolverá no concello de Lalín ata o día 12 de agosto. Nel participan 14 mozos e mozas de entre 18 e 30 anos.


As actividades programadas, de carácter arqueolóxico, etnográfico e ambiental, perseguen como obxectivos coñecer as diferentes campañas de escavación do Castro de Doade, a divulgación da cultura e do patrimonio galegos a través de varias actuacións no Museo Etnográfico ‘Casa do Patrón’ e a súa contorna, o acondicionamento da area recreativa e sinalización da Ruta dos Muíños e da Ruta Prehistórica de Doade. 

O programa complétase cunha excursión ás Rías Baixas o vindeiro martes día 9 na que

estes 14 mozos e mozas visitarán o conxunto histórico de Combarro, no concello de Poio,

e a praia da Lanzada. Tamén realizarán actividades complementarias dentro do propio

municipio coma rutas en caiac, xogos de xeolocalización, obradoiros de cestería, baile e

danzas tradicionais, veladas nocturnas, visita guiada pola vila de Lalín para coñecer a súa

historia, cultura e recursos turísticos así coma visitas á Fraga de Catasós ou ao Embalse

de Portodemuros.


Neste campo de voluntariado internacional, enmarcado dentro da campaña de verán da Xunta de Galicia que promove a Dirección xeral de Xuventude, Participación e

Voluntariado participan 14 xoves de diferentes comunidades autónomas: Cataluña, Galicia,

Huesca, Madrid, Zaragoza e Venezuela.

O delegado territorial lembrou os voluntarios a importancia do seu traballo que deixa un

importante legado no patrimonio lalinense e destacou a boa acollida que está a ter esta

nova edición da campaña de verán da Xunta de Galicia, tanto pola oportunidade de ocio e

diversión que supón para os mozos e mozas como por tratarse dun recurso de conciliación

fundamental para moitas familias.

 

675 prazas

A Xunta de Galicia ofertou neste verán 2022 un total de 675 prazas en 45 campos de

voluntariado as que se suman 79 prazas para mozos e mozas galegas en campos doutras

comunidades autónomas e 57 no estranxeiro. Na provincia de Pontevedra son 225 as

prazas que se puxeron a disposición en 11 campos de voluntariado máis 4 quendas en Cíes.


A campaña de verano da Xunta deste año, baixo o lema O verán que queres contar, é a

máis ambiciosa da historia con 10.800 prazas en campos de voluntariado, campamentos,

minicampamentos e outras actividades.

52 visualizaciones0 comentarios
IRS.gif
Copia de ¡TU Anuncio!.gif