14 corredores de montaña federados realizarán hoxe unha “maratón” dende Melide a Santiago

É unha iniciativa, a que se pode ir sumando xente, que ten por obxectivo amosar a repulsa e oposición a Altri na Ulloa e a reapertura da mina de cobre a ceo aberto en Touro-O Pino

Ecos da Comarca/Xeral

Este domingo 7 de decembro de 2025, a plataforma Ulloa Viva e a plataforma veciñal Contra a Mina Touro -O Pino organizan unha maratón entre Melide e Santiago. Queren

amosar a repulsa e oposición a ambos proxectos, o da celulosa Altri na Ulloa, e a reapertura da mina de cobre a ceo aberto en Touro-O Pino.

"Ambos proxectos amezan tanto toda a conca do Ulla como a Ría de Arousa e, de materializarse, constituirían unha moi grave agresión ao medioambiente, á economía e á saude pública no corazón de Galicia. Catorce corredores de montaña federados, representando ás organizacións convocantes, realizarán unha “maratón” dende Melide a Santiago de Compostela",sinalan os colectivos.

 Publicidade

A carreira sairá, ás 7:30 horas da Praza principal de Melide e realizarase en tres etapas:

• Melide-Arzúa con chegada ás 9:00 horas

• Arzúa-O Pino con chegada ás 10:30 horas

• O Pino--Monte do Gozo con chegada ás 12:30 horas

• Monte de Gozo- Praza do Obradoiro con chegada ás 13:30 horas

Publicidade

Os corredores poderán ser acompañados e recibidos en cada etapa, para culminar cunha

concentración na Praza do Obradoiro, onde se dará lectura a un manifesto e a convocatoria para da manifestación prevista para o día 14 de decembro en Santiago de Compostela.