Feridos leves nun accidente na AP-53 á altura do municipio de Silleda

Ecos da Comarca/Silleda

Onte, venres, pola noite rexistrouse un accidente de tráfico na AP-53, á altura do concello de Silleda, que se saldou con feridos leves.

Foto de arquivo.

O 112 Galicia foi alertado por un particular ás 22:00 horas. "O informante indicábanos que un coche impactara contra a mediana na AP-53, no quilómetro 24 á altura de Cervaña, dirección Ourense", sinala o 112 Galicia. Tamén sinalaba que había tres persoas que se atopaban xa fóra do vehículo.

Con estes datos, o 112 deu aviso a Urxencias Sanitarias, aos Bombeiros de Deza e á Garda Civil de Tráfico.

Preme na imaxe se queres contactar connosco.

"Tempo despois outro alertante indicábanos que no accidente se viran implicados dous vehículos, pero segundo nos indicaban só había feridos leves", sinala o 112, que tamén informa que tempo despois os bombeiros xa lles indicaron que anularan o desprazamento ao lugar.