Doazón de sangue en Silleda

As persoas que desexen doar sangue poderán facelo esta semana, dentro das catro comarcas, na localidade de Silleda.

Unha unidade móbil do Centro de Transfusión de Sangue de Galicia volve visitar o mercores 31 o municipio de Silleda, e situarase fronte ao Consistorio en horario de 10:30 a 14:00 e de 17:00 a 21:00 horas.

Debido á situación de pandemia, na que necesariamente se debe gardar certas prevencións sociais encamiñadas a preservar a saúde de todos, establécese tamén a cita previa para escalonar a afluencia de doadores, evitando así esperas. Por iso para maior seguridade e comodidade é mellor pedir cita no 900 100 898.

E cabe lembrar que é moi importante esta acción solidaria porque contribúe a mellorar a saúde de moitos doentes, sobre todo ante a situación actual de emerxencia sanitaria.