Laura Moure
29 de nov de 20221 min.
Dita actuación, que conta coa subvención da Xunta de Galicia, enmárcase dentro do Plan de Educación para dotar de pistas multideportivas ós diferentes municipios de Galicia
Laura Moure/Palas de Rei
O Concello de Palas de Rei adquiriu máis de 3.000 metros cadrados de terreno anexos as instalacións do CEIP Plurilingüe de Palas de Rei para dotar dun novo espazo de lecer e infraestruturas que darán servizo aos máis novos do municipio. O alcalde, Pablo Taboada xunto co concelleiro de Obras e Servizos, Amando Sande, revisaron a construción da pista multideportiva que contará cun espazo pechado onde se poderá practicar tanto fútbol como baloncesto.
“A pista estará dispoñible en horario lectivo para o alumnado do CEIP e xa fóra do horario lectivo, para todos os veciños/as que desexan practicar a actividade deportiva, fóra do horario escolar, así como, as fins de semana”, recalca o rexedor.
Dita actuación, que conta coa subvención da Xunta de Galicia, enmárcase dentro do Plan da Consellería de Educación para dotar de pistas multideportivas ós diferentes municipios de Galicia. O Concello palense agarda ter a mediados de decembro rematadas as obras para poñela en funcionamento á volta das vacacións de Nadal.