ecosdacomarca
18 de sep de 20221 min.
O Concello concederá 10 bolsas e o prazo para solicitalas rematará o 5 de novembro
Ecos da Comarca/O Pino
O Boletín Oficial da Provincia da Coruña publicou este martes pasado o extracto das bases reguladoras das axudas para estudantes universitarios ou que cursen ciclos formativos de grao superior no curso académico 2022/23. Os estudantes empadroados no Pino dende hai máis dun ano poderán beneficiarse dunha subvención de 300 euros para financiar os gastos correntes de material, residencia e matrícula. As solicitudes poderán presentarse ata o 5 de novembro.
En total, concederanse dez bolsas de axudas de 300 euros a aqueles estudantes que, reunindo os requisitos, acrediten os ingresos familiares máis baixos, cun límite de crédito orzamentario de 3.000 euros. No caso de que unha vez efectuada a avaliación o número de axudas supere o límite máximo do crédito dedicado á subvención, resolverase a favor das solicitudes cuxos ingresos familiares sexan menores.
Pode descargar o extracto das bases publicado no BOP do día 13, así como as bases e os anexos que se deben presentar para solicitar as axudas desta convocatoria nos arquivos adxuntos. Os anexos poden consultarse no seguinte enlace: