O municipio de Santiso pasará do nivel medio de restrincións ao mínimo este sábado

Así o acordou este martes o comité clínico que asesora á Xunta de Galicia

Laura Moure/Santiso
 O comité clínico que asesora á Xunta de Galicia na xestión da pandemia provocada pola Covid-19, acaba de acordar cambios no nivel de restrincións dalgúns municipios. Nas comarcas de Arzúa, Deza, Terra de Melide e A Ulloa estas modificacións só lle afecta a Santiso que pasará do nivel medio de limitacións ao mínimo este sábado. Os demais municipios manteranse tamén no medio-baixo (o mínimo).

Así este martes o comité estableceu o nivel máximo de restricións nos concellos de Lobios, A Pobra do Caramiñal e Mos.

 Así mesmo, determinou o nivel alto nos municipios de Ribeira, Ordes, Moraña, Ponte Caldelas e Viveiro.

 Ademais, as medidas do nivel medio serán de obrigado cumprimento nos concellos do Barco de Valdeorras, Moaña, Ponteareas, Cambados, Bueu, Boiro, Rianxo, Cee, Xove, Cervo, Vilalba e Monforte.

 No resto dos concellos galegos estarán vixentes as restricións fixadas no nivel medio-baixo.

 Todas estas medidas entrarán en vigor ás 00:00 horas do vindeiro sábado, 29 de maio.

O conselleiro de Sanidade, a conselleira de Política Social e o presidente da Xunta na reunión esta tarde.